संसद विघटन असंवैधानिक ः पूर्वराष्ट्रपति यादव

१६ पुस, काठमाडौं । पूर्वराष्ट्रपति डा. रामवरण यादवले संसद विघटन असंवैधानिक भएको बताउनु भएको छ । यसले देश अनिश्चितताको बाटोमा गएको उहाँको विश्लेषण छ ।
राष्ट्रिय मेलमिलाप दिवसको अवसरमा बिहीबार आयोजित एक कार्यक्रममा पूर्वराष्ट्रपति यादवले प्रतिनिधिसभा विघटनको कदमले संविधान, लोकतन्त्र र राष्ट्रियतालाई दुरगामी असर पार्ने बताउनु भयो । अब बल अदालतको कोर्टमा रहेको भन्दै उहाँले भन्नु भयो संविधानअनुसार कार्यकारिणीले काम गरेको छ कि छैन छिनोफानो गर्ने एउटा संस्था छ, त्यो संस्थाबाट न्याय हुन्छ भन्ने आशा र विश्वास छ ।’
२०३३ सालमा बीपी कोइराला र गणेशमान सिंह क्षेत्रीय राजनीतिको जटिलताका कारण मेलमिलापको नीति लिएर नेपाल फर्किएको स्मरण गर्दै पूर्वराष्ट्रपति यादवले अहिलेको परिस्थितिमा क्षेत्रीय राजनीति झनै जटिल बनेको बताउनु भयो ।
‘हामी दुई ठूला देशको बीचमा अवस्थित छौं । दुई ठूलो देश आमनेसामने छन्, तानातान छ’ उहाँले भन्नु भयो ‘उत्तर र दक्षिणको यहाँ जुन खुला परेड भइरहेको छ । त्यसले अन्तराष्ट्रिय ध्यानाकर्षण हुन्छ र त्यो हाम्रो लागि सुखद हुँदैन ।’ यस्तो अवस्थामा लोकतान्त्रिक संस्थाहरुले आफ्नो कर्तव्य निर्वाह गर्न सक्नुपर्ने उहाले वताउनु भयो ।

Commun khabar

Leave a Reply

Your email address will not be published. Required fields are marked *